سمعت بالمثل البقول : لحقو أمات طه
كانو سبعه بنات أخوات وما عندهم أخو، عايشين حياتهم عادي شديد ومبسوطين لكن ماف واحدة فيهم اتزوجت. لحدي ما يوم من الأيام واحدة فيهم اتقدم ليها عريس وكانو فرحانين ليها شديد. وفرحتهم زادت لما جابت ليهم ولد سموه طه.
لكن زوجها اتوفى فأخدت طه ورحلت عشان تعيش مع اخواتها وهم كانو بحبو طه شديد وبحققو ليو أي حاجه نفسه فيها. لدرجه انه ناس الحلة سموهم "أُمّات طه"
ولكن طه لما كبر بدا يتضايق من الاهتمام الزائد خصوصاً بعد معايرة ناس الحله ليو بأمهاته السبعة. فقرر بانه يسافر ويسيب البيت وتاني يوم الصباح بدري شال شنطته ومرق من البلد ولما أمات طه عرفو طلعو بسرعه عشان يفتشوه ومن غير ما ياخدو معاهم اكل او شراب تاهوو في الصحراء لأيام لحدي ما ماتو من الجوع.🙇🏽♂️
فاصبحو مضرب مثل للكارثة الجماعية ويقال (لحق أُمّات طه) للشيئ الذي يذهب بلا عودة.
(المثل مستوحى من قصة حقيقة)
تعليقات
إرسال تعليق
اترك تعليق لتشجيعي