حكايات سودانية - قصة عجوبة الخربت سوبا

 

سمعت بقصه عجوبة الخربت سوبا ؟ 🤔

المقصود سوبا الهسي دي بالمناسبة 😂😂

-

قبل 1400سنة في مملكة علوة (اللي عاصمتها سوبا) .. كان في امرأة اسمها #عجوبة. وعندها بنت جميله جداً اسمها "طيبة" ناس كتار من المملكة كانوا حابين يتزوجوها ومن ضمنهم وزراء الملك الخمسة. 👑

فقامت عجوبة باستغلال الفرصه عشان تزرع الفتنة في المملكة وكلما وزير يتقدم ل "طيبة" بتقول ليو بانه في وزير تاني حيتزوجها😊 واذا انت عايزها لازم تقتل الوزير التاني.💔

اتخيل بانه عجوبة عملت كدا مع الخمسة وزراء .. لحدي ما قتلوا بعض وفضّل منهم وزير واحد بس.🤴🏽

وقتها كان في شخص نبيل اتقدم ل "طيبة" فطلبت منه عجوبة يقتل اخر وزير في المملكة عشان يتزوجها,

ولكن اتفاجأ الشخص من طلب عجوبة وأخبر الوزير .. واستغرب الوزير لأنه كمان عجوبه طلبت منه بالسر نفس الشي.😟

فعرف الوزير بانه عجوبة زرعت الفتنة في المملكة واتسببت في انه الوزراء يقتلوا بعض, فذهب فوراً لعجوبة وقام بقتلها.🗡

والمملكة من بعد مقتل الوزراء ضعفت جداً وسقطت  على يد الزعيمان عمارة دنقس وعبدالله جماع.✨

-

عجوبة استغلت جمال بنتها "طيبة" عشان تزرع الفتنة في المملكة. كانت حابه تنتقم من وزراء الملك واتسببت في اضعاف المملكة وسقوطها.

ومنها أنتشرت مقولة "عجوبة الخربت سوبا" 😉👌

حصل حبوبتك حكت ليك عنها قبل كده !